Lo drac del estanh de Lo Peschier.

Lo drac , quo es’na bestia que degun l’a jamai visda , mas que fasia plan parlar d’ela per tot lo païs , autrevetz.
Dempuei , n’auvetz pus re dire dins nostra contrada del beis Lemosi e lo quite nom ne’n es oblidat , si n’era un brave torn , qu’arribet ad un bon drolle un pauc borlier, i a beleu cent ans , un pauc mai o un pauc mens , sabi pus !
Queu drolle se disià Peire.

Queu lai ser , nostre Peire qu’era endonc un pauc d’escart se trobava al palon de l’estanh de Lo Peschier , l’estanh del molina e ne sabe pas trop çò que lai fasia , mas se podria ben qu’esperava quauque drolla que venià pas redde. Las drollas om zo sap , son pas sovent despachadas.
Chal dire queu estanh era drubert dempuei del temps : un pichon riu ,un ribatel , lo Pojado lo trauchava e tota l’aiga sautava per la bonda jos la chauçada , e davalava cap lo molina.

Aitanben en prener paciençà , lo jove ome avisava passar l’aiga debas sens pensar re . Lai era dempuei un moment quor’ arribet subre lo chamin ’n austre drolle ,qu’era pas dels pus fins vertadierament ! Aqueste drolle que se disià Miqueu li credet
– Oh lo Peire ! Que fas aici ?Qu’apera aital ?

Nostre ome se viret , lo veguet , e quo li balhet ’na idea. Sens se bolegar, faguet signe de ne pas far de bruch .

Lo turlot s’apraumet.
– Que fas qui , Peirotteb ? Torna dire Miqueu.
Lo Peire pauset son det sus sas potas .

– Chuuut ! Taisa -te , Miqueu ! « Agacha » lo drac , aqui.

Dins nostre beis païs, om ditz aital « agacha lo drac » et non « apera lo drac », quora espera quauqua re que risca gaïre d’arribar !
– Que quo es , lo drac ?

L’autre li fasia totjorn signe de ne pas far de bruch.
– Mas qu’es a quo lo drac ?

Lo Peire levet los braçs dins l’aire :
– Lo drac , qu’ es lo drac , çò-ditz lo Peire a nauta votz. Qu’es ’na bestià qu’aqueu que l’atraparià ne’n tirarià char ,plan char , mai que beleu jamai pus n’aurià besonh de trabalhar !

– Ooohhh ! Milladiuuu ! Faguet lo drolle .
– E oc segur ! çò-ditz lo Peirotte . Mas aura que ses vengut far l’ase e credar coma una aucha borlha , n’es pus la pena d’aperar . Lo drac ne vendra pas d’anuech, e mai quo se pot que venha pas de saber lo temps.

E lo Peire se’n anet , en prener una figura tota esmaliciada laidonc que risia ben en son cor.
Mas dedins lo cap del nesci, ’na idea fasià son chamin :
– E se ieu l’atrapava , lo drac ?

Cop sec , anet querre ’na polida bojà , solida , l’adobet ben a la sautada de la bonda , tota drubida e l’estachet coma chal . E’ près esperava... non … agachava … non... aperava...

– Siaja ço que voudra, se lo drac lai e es que vuelha suertir , ieu lo tene !

La nuech passata , sens que veguessa re. Quora, tot d’un cop , ’nava esser jorn, Lo Miqueu auviguet frodassar dins l’aiga e la boja se metet de bolegar.

– Lo drac ! Lo drac ! çò-ditz lo drolle. A ’trapa la boja per de naut . D’un pauc mai quo se tornava conhar dins lo riu, tot plejat coma qu’era en los petaçons.

Mas a se fort de borrar dessus e de zo tabastar de costat e d’autre e de zo tustar per la peiras , lo drolle ne’n fuguet mestre, n’aguet pas pus mas a getar la boja sus son espatla e se’n ’nava plan content.

Rencontret Peire que venià de se levar.

– Ont’ana d’abora aital e que portas dins ta boja , Miqueu ?

– Quo es lo drac.

– Queu drac ?

– Lo drac ! Me disseras pas arser qu’era al palon de l’estanh ?

– Mas nesci de nesci, lo drac, quo n’eisistis pas !

– Ah ! Oc ! Ten segur ? Pertant li sei anat e l’ai trapat , mai qu’es regde ,dur lo drac ! N’ai pas cregut lo tuar.

– E be ! Fasia lo Peire tot esconat. E be ! Mas aura que l’as trapat, si fasias veire coma es ?

La curiositat lo sagnava.

Drubiren la boja .

E dedins , li avia tot bonament ’na loira .

E oc ! Una genta loira , de las pus lenas , que fasia ben sas detz-uech liuras.

E sens parlar de la bona vianda tan fina aital la charn de las truchas , d’onte tiret mai d’un merenda , nostre nesci aguet un bon pretz de la pelissa .

E l’autre paure e mocandier Peire pode re far de mielh que rencuravar e raunhar !

Moralitat
Perque i a res mas un jorn dins l’annada que vai , qu’es pas arser e qu’es pas deman , es uei e aura !Perque ?

E perque i a res mas un jorn dins l’annada que la pelissa de la loira ne siaja pas bona e chara : lo jorn que poden pas trapar !

E coma disia ma gran’maire Marceline : « Si tot aquo es vertat, tri, tri, tri , qu’es que mon conte es achabat ! »

Le drac de l’étang de Le Pescher

Le drac , c’est une bête que personne n’a jamais vue , mais qui faisait parler d’elle dans tout le pays , autrefois.Depuis , on avait plus entendu parler de rien dans le pays du Bas Limousin et jusqu’au nom qui avait été oublié, si ce n’est une aventure qui arriva à un brave garçon un peu espiègle, y-a environ cent ans , un peu plus un peu moins, je sais pas !

Ce jeune homme s’appelait Pierre.

Ce soir-là , notre Pierre qui était un plaisantin se trouvait sur le bord de l’étang de Le Pescher , l’étang du moulin et il ne savait pas trop que faire . Sans doute , attendait-t-il quelque fille qui ne venait pas vite . Les filles , c’est bien connu , ne sont pas souvent pressées !

Il faut dire que l’étang était ouvert depuis longtemps et qu’un petit ruisseau le traversait , et débordait par la vanne sous la chaussée et descendait vers le moulin .

Ainsi, patiemment, le jeune homme regardait couler l’eau en dessous sans penser à rien.Il était là depuis un long moment quand arriva sur le chemin un autre garçon , qui n’était pas certes des plus futés ! Ce jeune qui s’appelait Michel lui cria :

– Oh Pierre ! Qu’attends -tu patiemment ainsi ?

Notre homme se tourna, le regarda, et cela lui donna une idée. Sans remuer, il fit un signe de ne pas faire de bruit.

Le simplet s’approcha.

– Que fais-tu là Pierrot ? Répliqua Michel.

Pierre mit son doigt sur ses lèvres.

– Chuut ! Tais -toi, Michel ! « j’attends pour voir le drac, ici ».
– Dans le bas Limousin, on dit « attendre le drac en regardant » et non « attendre patiemment » quand on attend quelque chose qui ne risque guère de se produire !

– C’est quoi le drac ?-L’autre lui faisait toujours signe de ne pas faire de bruit.-Mais c’est quoi le drac ?
Pierre leva les bras au ciel :

– Le drac , c’est le drac , dit Pierre à haute voix. C’est une bête que si quelqu’un l’attrape , il en tirera un très bon prix et même que peut-être il n’aura plus besoin de travailler !
– Oooohh !Milladieu ! Fit le garçon !

– Et oui bien sûr ! Dit Pierre.Mais maintenant que tu es venu faire l’âne et crier comme une oie effarouchée , ce n’est plus la peine d’attendre . Le drac ne viendra plus, et de surcroît il se peut qu’il ne vienne plus du tout !

Pierre partit avec le regard et le cœur pleins de malice .Dans la tête du simplet , une idée faisait son chemin :

– Et si je l’attrapais , ce drac ?

Aussi tôt, il alla chercher un grand sac solide , le posa à la sortie de la vanne , grand ouvert et l’attacha solidement.Ensuite , il attendit avec espoir..non , il patienta sans illusion … non … il attendit patiemment...

– On dira ce qu’on voudra ,mais si le drac est là et qu’il sort , je le tiens !

La nuit se passa sans qu’il ne vit rien .Quand tout à coup , il fut jour , Michel entendit un léger bruit dans l’eau et le sac se mit à remuer.

– Le drac ! Le drac ! Pensa le garçon. Il attrapa le sac par la gorge.D’un peu plus , cela repartait dans l’eau tout plié comme dans des chiffons.

Pourtant à force de taper dessus et de taper d’un côté et de l’autre et encore de le fracasser sur les cailloux , le jeune homme en fut maître ; Il n’eut plus qu’à jeter la toile sur son épaule et il partit heureux.

Il rencontra Pierre qui venait de se lever.

– Où vas-tu si tôt , Michel, et que portes-tu dans ton sac ?
– C’est le drac .
– Quel drac ?
– Le drac ! Tu me disais pas hier soir qu’il était à la vanne de l’étang !
– Mais bougre de fadat , le drac , çà n’existe pas !
– Ah, oui ! Té sûrement !Pourtant j’y suis bien allé et je l’ai attrapé, même qu’il est rude et dur le drac ! J’ai pas cru le tuer .
– Eh bien ! Répondit Pierre tout penaud .Eh bien ! Mais maintenant que tu l’as attrapé , si tu faisais voir à quoi il ressemble ?
La curiosité le rongeait.
Ils ouvrirent le sac.
A l’intérieur , il y avait tout simplement une loutre .

Et oui , c’était une belle loutre , des plus douces qui pesait bien dix huit livres !
Et sans même parler de l’excellente viande aussi fine que celle des truites dont il tira plusieurs repas, notre simplet obtint un bon prix de la fourrure !
Alors le pauvre et moqueur Pierre ne put rien faire de mieux que regretter et râler !

Moralité
Il n’y a qu’un jour dans l’année qui vaut le coup, ce n’est ni hier ni demain , c’est aujourd’hui et maintenant ! Pourquoi ??

Eh bien, parce que il n’y a qu’un jour dans l’année où la peau de la loutre ne vaut rien : c’est le jour où tu ne l’attrapes pas !

Et comme disait ma grand-mère Marceline , si tout cela est vrai, tri, tri, tri, c’est que mon conte est fini !