As curious
Se caùqu’un demando cal sei,
Per quin dret ma plumo rimalho :
Saùrès qu’aco Diù que m’a fei,
Mais que m’a balhat so ni malho !

E, pitchou bailet que trabalho
Dumpei l’albo dinco la nei,
S’ei pas de fé, minji de palho
Mais me countenti de ço qu’ei.

Sul cami del brès à la toumbo
Y a bint ans lèu, de pet en coumbo,
Amb lous esclots, marchi pelhous ;

D’argen n’ei piel, ni d’esprit gaire,
E mourirei, coumo moun paire,
Paisan del cap dinco as talous !

[A trabès Régos – Rimos d’un pitiou paysan ; Bilonèbo-sur-Lot imprimario del Bitor Delbergé 1895]