Nauta Capèla Illuminada

Per son ròc, plan pincada, al dessús de la rota,
Avisent tot lo borg, la plana pèi la comba,
Aquela crana capèla que trauca l’onda,
Quilha un cloquièr ponchut cap al cèl e se volta.

Lo viatjaire arriba de lonh e vòl lo veíre...
L’abat, un còp per an, darca lo rapalhon
Per benesir, amont naut, amb son asperson,
La bèstia que romia e tantas polidas pèiras.

Quand faì nèt, ausissèm lo som de la capèla,
Mes pendent lus sers d’estiu, jos milanta estelas,
La pitiona glèia, tal un vaissèl de lum,

Laura la valada escura per totses prats,
E la lutz plan blanca coma un far dins los fums,
Mòstra l’arca senta per far damnar lo drac.

Joan Jacme Delmas 15 d’agost de 2022
Revirada d’un poèma escrit en francés per Gabrièl Feiret

cliquer sur le lien ci-dessous pour voir la version française de Gabriel Feyret :
https://www.amis-quercynois.fr/les-quercynois-leur-culture/litterature-et-poesie/feyret-gabriel/article/haute-chapelle-illuminee-gabriel-feyret

Lògo article d’aprèp un tablèu de Evelina de Pons