LOU GREL E LOU PORPOILLOL

Un grél, mèt-tzour possat, dins l’herbo réscoundut,
Bénio dé s’émbeilla. Obio fat motinado
Oprés uno nèt claro è pértout éstélado,
Possado o fa l’cri-cri qu’o cadun énténdut.

Sus uno flour dé lys, ouran obio poundut,
Un poulit porpoillol, los alos désplégados,
Fo miroilla’l soulél lours coulours mirgoillados.
bisquo l’paouré grél tout négré è to ménut !

Tolèou béï orriba un troupel dé tzunésso
Qué sémblou ’n goloupént fa qualqué tour d’adrésso.
Coummo un bounnét poundzut cobbirat én socou,
Oou morgat un fiolat o l’cat d’un loung bostou.

E cadun d’occoursa lo brillénto béstiolo,
Qué, pér lour éscopa, én s’énnoïrént s’émbolo,
Mès l’paouré porpoillol, o lo fi fotigat,
Tzous fiolat dé malhur sé trobo plo couffat.

Lus droulléts sou missonts. L’un l’y dérraïgo un’alo,
Un aoutré prénd plosé o lou fa bien souffri,
Lou fouïsso ond uno éspillo è sons piotat l’émpalo.
Lou porpoillol trémolo è aro bo mouri.

Nostré grél d’oquél cot nou crido plus misèro,
Dé l’poulit porpoillol n’és certo plus tzolous,
Coumprént qué trop brilla, risquo, sus nostro tèrro,
Dé bous fa éspouti pér maï d’un émbétzous.

E olèro sé dis, d’un’amo résignado,
Qué pér bioouré tronquillé è sénti soun bounhur,
Bal maï sègré to léï qu’és oïtal énsignado
E sobé satzomént sé téni o l’éscur.