Un còp èra, dins los tempses vièlhs que las bèstias parlavaun, d’ora, lo Juli, molinièr al luòc-dit « la Rauza », prèp de la vilòta d’Estilhac, perduda al mitan dels bòsques, sul camin vièlh roman entre Briva e Rodès, lo Juli, donc, s’anava vèire se qualques pèisses s’èraun pas pres dins sos fialats, capmont del molin, e se qualqua salvatgina aviá pas daissada la vida sèuna dins los laçons qu’èl aviá pausat dins lo castanhal del naut.
Aiceste jorn, èra l’estiu, mas, çaquela, brumetejava ; lo cèl èra bas e una especia de brumassa flotejava dins l’aire, long del riu. Es a dire que s’i vesiá pas a detz passes.
Dins los fialats, i aviá pas res ! Juli se’n anèt cap als laçons : lo primièr, pas res ; mas al segond un perdigal èra pres per una pata ! Quicòm de jamai vist : un perdigal dins un laçon ! Teniá dins son bèc un vèrme, un vèrme pichon, un vermelhon, e que cridava : « ajuda, ajuda » (rapelatz-vos que sèm al temps que las bèstias parlavaun). Sul còp, lo Juli escanèt lo perdigal e desliurèt lo vermelhon (vos ai dit qu’aiceste s’apelava Rapaton ?). Plen d’una reconeissença esmoguda e prigonda Rapaton seguiguèt lo Juli al molin, e l’autre l’adoptèt. D’aiceste moment, lo Rapaton foguèt de tot temps amb son salvaire : li fasiá la conversa, li balhava de consèlhs, l’ajudava de son melhor dins lo trabalh del molin…Aquò fasiá de gelóses demèst los autras bèstias de l’ostal :la gata Mineta e lo can Tresaur aimavaun pas brica aiceste micròbi que se mesclava de tot, mas crenhent lor mèstre, disaun pas res. Las polas aurian ben minjat lo pichon insècte, mas aquel d’aqui se gardava ben de sortir del molin. A l’entorn, los vesins e clients del molin s’amusavaun de charlar amb lo bestionet, tan pichon e tan badinejaire.
La catastròfa se debanèt lo jorn que lo Juli volguèt menar lo vermelhonèt en cò d’un amic : sens li demandar res, lo prenguèt dins sa pòcha e fai tirar… Aprèp mantes biaises de vèire sul temps, las taxas, las femnas e los vesins, l’amic li demandèt : « e ton Rapaton, ont es ? » Tot sonrisent, lo Juli lo sortiguèt de la pòcha pel mostrar, ailàs i aviá pas res, que la pòcha èra traucada !
E òc, tombèt sul sòl lo paure vermelhonèt ; aguèt pas lo temps de far que que sià, qu’una agassa lo minjèt !
Cric, crac, mon conte es acabat.

Il y avait une fois, aux temps où les animaux parlaient, un meunier appelé Jules, qui, de bonne heure un matin, alors qu’il habitait au lieu-dit « la Rauze » », près d’Estillac, bourgade perdue au milieu des bois, sur le vieux chemin romain entre Brive et Rodez, s’en alla voir si quelques poissons ne se seraient pas pris dans ses filets, en amont du moulin, ou si quelque bête sauvage n’aurait pas perdu la vie dans les collets qu’il avait posé dans sa châtaigneraie du haut.
C’était l’été, ce jour-là, mais pourtant, il bruinait ; le ciel était bas, et une espèce de brume flottait dans l’air, le long du ruisseau. On n’y voyait pas à dix mètres.
Dans les filets, il n’y avait rien ! Jules se dirigea vers ses collets : au premier, rien, mais au second un perdreau était pris par une patte ! Une chose inouïe : un perdreau dans un collet ! Il tenait dans son bec un ver, un petit ver, un vermisseau, et qui criait : » à l’aide, à l’aide » (rappelez-vous que nous sommes à une époque où les bêtes parlaient). Sur le champ, Jules étrangla le perdreau et délivra le vermisseau (vous ai-je dit qu’il s’appelait Rapetou ?) Plein d’une reconnaissance émue et profonde, Rapetou suivit Jules au moulin, et l’autre l’adopta. A partir de ce moment, Rapetou fut tout le temps avec son sauveur : il lui parlait, lui donnait des conseils, l’aidait de son mieux dans le travail du moulin…. Cela faisait des jaloux parmi les autres animaux de la maison : la chatte Minette et le chien Trésor détestaient ce microbe qui se mêlait de tout, mais, craignant leur maître, ils n’osaient rien dire. Les poules auraient bien mangé le petit insecte, mais celui-ci se gardait bien de sortir du moulin. Aux alentours, les voisins et les clients aimaient discutailler avec la bestiole, si petite et si drôle.
La catastrophe se produisit le jour où Jules voulut amener le petit vermisseau chez un ami. Sans rien lui demander, il le mit dans sa poche et en route… Après les considérations d’usage sur le temps, les impôts, les femmes et les voisins, l’ami lui demanda : » Et où est ton rapetou ? » En souriant, Jules le sortit de sa poche pour le lui montrer…hélas, il n’y avait rien, la poche était trouée !
Eh oui, il tomba par terre, le pauvre petit vermisseau ; il n’eut pas le temps de faire quoi que ce soit qu’une pie le mangea !
Cric, crac, mon conte est terminé.