Moussu Cantomerlhe
Abbé Justin Bessou
RISOULETO : 1.

Moussu Cantomerlhe, un medesi des pus respectables, benio de beire un malaute de len anb’uno calour sans pariaplo et lou set li tancabo lou gargalhol.
A miej cami, dientret dins un oustal de mounde sinples et brabes que tratabo familieiromen, coumo ’n boun papanas, et troubet la Jermenoto, uno droulleto de sieis ans, en trin de bressa lou neni que s’apelabo Batistou.
" Oun-t-as lou papa, filhounèlo ?
– Es à la pesso.
– Et la marna ?
– I es anado pourta lou desparti.
– Sabes tira la sitro ?
– Oh, oubi, ne tire be mai d’un cop.
– Bai m’en querre miejo ’scudèlo, qu’ai pla set.
– Masque Iou neni se plourara.. ;
– Lou te bressarai.
Quand Jermenoto tournet dal cabounel anbe J’eseudeleto pleno, troubet Moussu CantomerIhe que, de pòu que la sitro li fès mal, abio près sans faissous un croustou de pa dins lou tiradou et iou manjabo anb’un porre rufa. qu’abio bist à pousito... L’abio presque acabat.
– Masque, sou fet la drouilloto touto desoulado, la mama me cridara...
– Coussi ?...
– I abès manjat Iou porre que ne fu gabo : Batistou...
– - !!! ".