La Carcinolo (Chanson de Cahors)

, par Marc Lagaly

La Carcinolo
cant dédicat a la Bilo dé Coùs - Air Magali de F. Mistral

Còus, tu sios malgré tas annadas,
Frétilén coumo’n joubéncel ,
Tas papilhotos soun floucados
Coumo ’no branco dé ramèl.

Ribos del Lot, oun lous piùssous
Sur las jouncados ;
Bènoun marida lours cansous
E lours poutous.

Qué soun bèlos tas abéngudos,
Tas perménados, toun Foussat
E tas Badernos rescoundudos
Nous rapèloun lou Tèns passat.

Ribos del Lot, oun lous piùssous
E las pupudos,
Bènoun marida lours cansous
E lours poutous.

Aïman toun biel Pount dé Balondré
Qué’l Lot carésso dé sous flots,
E sas tourèlos oun ban poundré,
Las palounbétos è’s pierots.

Ribos del , oun lous piùssous
E la biroundré,
Benoun marida lours cansous
E lours poutous.

Aïman tous cams, bignos, pradèlos,
Tas bèlos coumbos, tous jardis,
Tous bousquets è tas ribatèlos
E lou tic-tac de tous moulis.

Ribos del lot, oun lous piussous,
Las tourtourèlos,
Benoun marida lours cansous
E lours poutous.

Aïman tas rocos énnautados
Ta Cathédralo, tous castels,
Tous coumunals, tas garigados
Oun répétingoun lous agnels.

Ribos del Lot, oun lous piussous
E las bécados,
Bénoun marida lours cansous
Et lours poutous.

Aïman tous pastrés, pastourellos
Quan soun à l’oumbro d’un bouïssou,
Qu’elis brespalhoun an d’emèllos
Assasounados d’un poutou.

Ribos del Lot, oun lous piussous,
Las tufarèllos.
Bénoun marida lours cansous
E lours poutous.

Aïman lous els dé tas grisétos
Pétilhens coumo lou rubis,
E lours bouquetos mignounétos,
Oun l’amour foragno d’un plis

Ribos del Lot, oun lous piussous.
Bergerounétos
Benoun marida lours cansous
E lours poutous.

Aïman béïré lous amourousés,
Quand élis ban sé miralha
A la Fountasso des Saltrousés
Oun ba lou bièl sé soulélha.

Ribos del Lot, oun lous piussous,
Merles jouïouses,
Bénoun marida lours cansous
E lours poutous.

Mercio, Bilo tant aímado,
Dé ta graciuso recepciu,
a fi de la felibrejado,
N’autres, te diren pas adiu.

Té diren coumo’l roussignol,
A l’autr’annado
Car lou boun bi dél Carcinol
Casso lou dol.

H. Lacombe - Caussade le 15 octobre 1883

Voici le texte intégral écrit à l’occasion de la Félibrée de Cahors d’octobre 1883. Cette chanson se chante sur l’air de Magali de Frederic Mistral