Imno à la Terro Quarcinolo

, par Marc Lagaly

Imno à la Terro Quarcinolo - Maurice Joret

O Terro à la forto carruro,
E touto d’auto pourtaduro,
Dount lou sen es de fer, lou froun de pëiro e roc
Rouge, lou sourel te carcino ;
E se lou garric te doumino
La bigno que s’esparo e clino,
Amourouso, te cinto, e fièro mai qu’en loc !

E te bestisson - berdo e soumbro -
Tous nouguès, castagnès sens noumbro
- Castagnos per liber, oli per toun carel. -
Toun bin belousat e superbo
Alluco toun amo e toun verbo,
Coume tu rude, fort, acerbo,
Sentin pas mai la let que nou sentis lou mel.

Qu’es bello en ta bèutat saubatge !
Lou bielh Oltis à toun imatge
Forço lous rocs, lous cruse e se feï un camin.
Foulas, cascadeje indoumptable,
Ne poutounge erbo ni sable,
Pas de taurèn fors de l’estable
Muglan, sautan coume el al barratge, al moulin.

O Terro Quarcinolo, ô raço
A testo duro, à cô tenasso,
Jalouso de ta forço, es bibo, as punh barrat,
Courès pas apres la babiolo,
Pès autres las flors, la glouriolo
lou trabal que t’aureolo,
Toun grand amou de l’art e de la Libertat !

O, t’an feït auto renoumado,
Tous drolles din lo bielho armado :
Bessières e Murat cargan crabache en man.
Marot damb sa plumo laugèro,
Cladel à la muso tant fièro
Soun toun orgulh e uèi enquèro
Toun grand Tribun qu’ausin, Terro del Papo Jan !

Maurice Joret