Lou Contou par Armand Lagaspie

, par Marc Lagaly

Mé tratti, en hibert, qu’on lo neou tombo o pilo,
Qu’o peyro fendré tsalo, ou qué pleou dé boun gous,
Qué lou toupit, sul fiot, bruntsis coumo l’esquilo
Mé tratti, en hibert, dins nostré grond contou !

Sé lou bent fo cloqua los fénèstros, los portos,
Lus pès sus troffouyés, yeou men fiqui pas mal.
Lo braso maï pus bibo et lo flambo pus forto,
Routsis duscos l’onel, lo schutso del cormal !

Tout ol dessus dé yeou, l’ondrilhèro pindolo
Lou lun del bieil colel fo donsa, sul ploncat,
L’oumbro dé moun cogniot, qué quaouqués cot tsingolo
Qu’on un clergué del fiot, li rétsito sul cat.

Sus l’aoutré codièrou, rounrounetso lo catto.
Penso béleou oï rats del gronié pel répas,
Dort qué d’un él, s’estiro ou sé léquo los pattos
Ou miaouno ber quicon qué mous els besoun pas.
.............................................................................

Oui l’aïmi mon contou négrit per lo fumado.
On lo morto sosou, qu’on lou temps pas preissat
Mé daisso de lésés, li passi mos billados,
Furgouni lus tisous, pensi ol temps possat.

Pensi au moun popè surtout, au moun grand-payré
Qué qu’on d’èri pitsous mé rondioï to countent,
Qu’on mé disio lou ser, auprès soupat, pécayré
- "Béni, té baou countat dés countés del biel temps !"

Bistomen, del colel mountabi lo lumièro.
Dins lo cendré, mettioï colfat mous dous esclots.
Poussabi protsé del, mo pitsouno codièro,
Per milhour escoutat lus récits d’aoutrés cots !

Sé déforo, olobé, tirabo lou ben négré.
Tridoulabi dé poou dobont un fiot d’iffer.
Qu’on porlabo surtout del misson Rasponégré,
Dé lo Croso del Cat, del Loup pel Mas-Cubert.

Lus countés des boulurs et des Crocomiténos,
Qu’olobé mé disio moun popé, soun restats
Tal qué dins moun esprit, car son pendré dé peinos,
Au mous pitsous effons, lus poudrioï rocountats.

E garo qué sus tïntsi dé lo bourro blanco,
Toutsés lus soubénirs onciens et lous aïmats
Mé tornou qu’on lou grél canto tsous uno plonco.
Et bien dès sers oqui, ai lus els embrumats.

Oui, l’aïmi moun contou, mo grondo tsimineyo,
Qu’oïmèroun mous porents, qu’oïmorou mous pitsous.
Es l’âmo de l’oustal, coumo ol Bourg es lo Gleyo,
Es lou couen bénérat dé touto mo maïsou !

Le journal du Lot - 3 janvier 1928